Татарстанда суда баткан тагын ике кешенең мәетен тапканнар

Бүген көндез Бөгелмәдә Хәким күленнән ярдан 10 метр ераклыкта 1979 елда туган ир-атның мәетен судан чыгардылар. Һәлак булган урын коену өчен җиһазландырылмаган булган. Бу хакта Россия гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

12 июльдә 13: 57 сәгатьтә Әлмәт районыннан тагын бер хәвефле хәбәр килеп иреште. Кичүчат авылындагы күлгә ир-ат су керергә килә, тик әйләнеп чыкмый
Бүген аның гәүдәсен ярдан 50 м ераклыкта табып алалар.

Кичә 20 яшьлек егет Алабугада Шишкин буаларында батып үлгән. Яшь кеше йөзгән урын шулай ук коену өчен җиһазландырылмаган булган.