Татарстанда мәктәп формасына карата таләпләрне яңарттылар

Татарстанда мәктәп формасына карата таләпләр яңартылды. Салкын вакытта мәктәп укучылары мәктәпкә чуар төсләрдә булмаган джемпер, свитер һәм пуловерларда йөри алалар. Тиешле карарны ТР Премьер-министры Алексей Песошин имзалады.

Моннан тыш, укучылар шакмаклы һәм сызыклы кием-салым киеп йөри алачак.

Укучыларның киемнәренең гомуми төре, шул исәптән аның фасоны һәм төсе, хәзер "белем бирү оешмасының локаль норматив акты" белән җайга салыначак, диелә карар текстында.