Татарстанда контракт белән хезмәткә керүчеләргә 3 меңнән артык ташлама тәкъдим ителә

Алар арасында, мәсәлән, сугышларда катнашкан ветеран статусын алу һәм аңа айлык акчалата өстәмә; тормыш һәм сәламәтлекне саклау буенча иминиятләштерү; медицина учреждениеләрендә дәвалану, шул исәптән бушлай тикшеренүләр үткәрү.

Сугышчыларның гаиләләре дә дәүләт тарафыннан ярдәм алуга хокуклы. Алар өчен каралган ташламалар түбәндәге рәвештә:

Белем алу: балаларны балалар бакчасына чиратсыз алу, мәктәптә һәм балалар бакчасында бушлай туклану, бушлай озайтыла торган ял вакытлары, көллиятләрдә бушлай уку.

Югары уку йортларында бюджет урыны: яраланган һәм һәлак булган солдатларның балаларына бушлай белем алуга мөмкинлек бирелә.

Транспортта йөрү: 8 яшьтән 18 яшькә кадәр булган балаларга барлык җәмәгать транспорты төрләрендә (трамвай, троллейбус, автобус, метро) бушлай йөрү хокукы бирелә.

Балалар өчен лагерьларда бушлай ял.

Яңа туган балаларга бүләкләр: яңа туган балаларга бушлай балалар кирәк-яраклары җыелмалары.

Ял итү өчен юлламалар: елга бер тапкыр, 7-17 яшьлек балалы гаиләләргә түләүсез ял һәм дәвалау өчен юлламалар бирелә.

Бу – Татарстанның МХО катнашучылары өчен тәкъдим иткән ташламаларның бары бер өлеше генә. 2023 елның башында Татарстанда 3 054 муниципаль акт кабул ителгән, алар МХО катнашучыларын һәм аларның гаиләләрен яклауны күздә тота. Тулырак мәгълүмат белән Татарстанның Юстиция министрлыгы сайты һәм heroes-tatarstan.ru сайтында танышырга мөмкин.

Пилотсыз системалар гаскәрләренә  хезмәткә керү теләге булганнар өчен мөмкинлекләр

Татарстанда пилотсыз системалары гаскәрләрегә контракт буенча хәрби хезмәткә керүне теләүчеләр өчен аерым кайнар линия ачылган. Кайнар линия номерына (117) шалтыратып, 4 төймәсенә басып, кандидат әлеге гаскәрләргә  туры килүе турында белешмә алырга мөмкин. Әгәр дә кандидатның үзенчәлекләре буенча ул контракт өчен туры килә икән, аның мәгълүматлары сайлау пункты белгеченә тапшырылачак.

Пилотсыз системалар гаскәрләренә  хезмәткә керү турында

Яңа гаскәрләрдә хезмәт итүче солдатлар пилотсыз идарә ителгән барлык техника һәм җиһазларны: дроннар, катерлар һәм җирдә хәрәкәт итүче транспорт чараларын идарә итәчәк. Минималь контракт вакыты – бер ел. Гаскәрдә хезмәт итүнең төп үзенчәлеге – контракт бер елга төзелә һәм автомат рәвештә озайтылмый. Шулай ук, солдатларны башка гаскәрләргә күчерү булмый, һәм аларның өч айлык, Татарстаннан тыш булган регионнарда уздырылачак махсус белем бирү курслары булырга тиеш.

Көндәлек эшчәнлектә компьютер уеннарын яратучы кешеләргә өстенлек бирелә, чөнки аларның кулларының нечкә моторикасы яхшы үсеш алган һәм бу аларны өйрәтү процессын тизләштерә.

Премияләр һәм түләүләр

2023 елның 1 гыйнварыннан Татарстанда контракт төзүче гражданнар өчен 2,9 миллион сумга кадәр түләүләр артты. Бу республикада һәм Россия регионнары арасында иң югары түләүләрнең берсе булып тора. Бу сумма ике өлештән тора: 2,5 миллион сум Татарстан бюджетыннан, 400 мең сум исә Россия Оборона министрлыгы тарафыннан бүленә.

Әлеге вакытта Татарстанда МХО катнашучыларын һәм аларның гаиләләрен яклау өчен 3 меңнән артык чара гамәлдә. Татарстанда хезмәткә килешү һәм өстәмә премияләр, ташламалар  турында тулырак мәгълүматны heroes-tatarstan.ru сайтында табарга мөмкин. Шулай ук Яшел Үзән  шәһәрендә урнашкан хәрби комиссариатның хәрби  хезмәткә сайлап алу пунктына  яисә 8 800 222 59 00 яки 117 номерына мөрәҗәгать итәргә кирәк.