Татарстанда кешеләргә һөҗүм иткән хуҗасыз хайваннарны нишләтергә икәнен хәл иттеләр
Республика Министрлар Кабинеты хуҗасыз хайваннар белән эш итүнең махсус режимы кайчан һәм ничек кертелүен билгеләүче карарга кул куйды. Документны ТР Премьер-министры Алексей Песошин имзалады.
Фото: Чулпан Гыйсмәтуллина, «Яшел Үзән Медиа»
Режимны кертү өчен ике нигез бар:
- хайваннарның куркыныч авырулары таралу сәбәпле карантин;
- йортсыз хайванның кешегә һөҗүм итүе, бу исә үлемгә, авыр яки уртача дәрәҗәдәге сәламәтлеккә зыян китерү.
Муниципаль хакимиятләр Баш ветеринария идарәсенә ходатайство җибәрә. Карар кабул итү өчен идарәгә дүрт эш көне бирелә. Режим үзе карар кабул ителгәннән соң өч көн эчендә кертелә. Әгәр дә сүз кешегә һөҗүм турында барса, режим булган хәл турында идарә белгән вакыттан соң икенче эш көненнән дә соңга калмыйча кертелергә тиеш.
Режим кертелгән территориядә хуҗасыз хайваннарны (стерилизацияләнгән һәм билгесе булганнарын да кертеп) тоту башкарыла. Хайваннар вакытлы тоту пунктларына тапшырыла. Әгәр 20 календарь көн эчендә элекке хуҗасы табылмаса яки яңа хуҗа килеп чыкмаса, хайван үлемгә дучар ителергә тиеш.
Вакытлы тоту пунктлары хуҗалары хайваннар килгәннән соң өч көн эчендә алар турында мәгълүматны интернетта урнаштырырга мәҗбүр. Режим өч айдан озаграк дәвам итә алмый.
Новости Татарстана
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев