Татарстанда кафе һәм рестораннар эшләү вакытын чикләячәкләр

Татарстанда 31 октябрьдән җәмәгать туклануы йортлары эше һәм мавыктыргыч-күңел ачу чаралары үткәрү вакытын чикләячәкләр. ТР Министрлар Кабинетының тиешле карарына республика Премьер-министры Алексей Песошин кул куйды.

Кафе, ресторан һәм башка җәмәгать туклануы объектлары үз эшләрен 23 сәгатьтән 6 сәгатькә кадәр туктатырга тиеш булачак. Бу чикләү "гражданнарга биналарны кертмичә генә хезмәт күрсәтү, заказлар китерү, аэропортлар, вокзаллар территорияләрендә җәмәгать туклануы хезмәтләрен күрсәтү" кагылмаячак.

Шул ук вакыт аралыгында республикада мавыктыргыч-күңел ачу чаралары үткәрү мөмкин булмаячак.

Элегрәк Covid-19 коронавирусының таралуын булдырмау өчен ил төбәкләре хакимиятләре өчен шундый ук рекомендацияләрне федераль Роспотребнадзор чыгарды, бу хакта "Татар-информ" мәгълүмат агентлыгы хәбәр итт