Татарстанда иртәгә кар көтелә

Татарстан Гидрометеорология һәм әйләнә-тирә мохитне күзәтү идарәсе фаразлары буенча, иртәгә – 30 ноябрьдә республикада алмашынучан болытлы һава торышы көтелә. Урыны белән бераз кар булачак. Җил көчле түгел. Минималь һава температурасы төнлә -3..-8, аязган вакытта -13 градус булачак. Көндез максималь температура -1..-6 градус булуы көтелә.

Казанда иртәгә явым-төшем күзәтелми. Һава температурасы төнге сәгатьләрдә – -6..-8, көндез – -2..-4 градус булачак, дип хәбәр итә синоптиклар.

«Татар-информ»