Татарстанда 179 яңа коронавирус очрагы теркәлгән
Татарстанда коронавирус белән авыруның 179 яңа очрагы теркәлгән, шуларның 4се — читтән кертелгән, калганы элемтәдә булган. Бу хакта ТР Сәламәтлек саклау министрлыгының матбугат хезмәте хәбәр итә.
"79 кеше хастаханәгә салынган, 100 кеше өйдә дәвалана», — диелә хәбәрдә.
Казанда — 76, Яр Чаллыда — 30, Түбән Камада — 11, Кукмарада — 8, Әлмәттә — 6, Нурлат, Чистайда — 5, Яшел Үзән, Зәй, Тукайда — 4, Алабуга, Лениногорск, Питрәч, Спаста — 3, Биектау, Сабада — 2, Актаныш, Алексеевск, Арча, Балтач, Бөгелмә, Югары Ослан, Лаеш, Минзәлә, Теләче, Чирмешәндә - 1 кеше авырып китте.
Бүгенге көндә Татарстанда 40 973 Covid-19 очрагы теркәлгән. Савыгучылар саны - 34 117 кеше, шул исәптән 268 кеше соңгы тәүлектә терелгән. Барлыгы 2 231 564 кешегә вакцинация ясалган (үсеш 7 803), шуларның 1 857 452се икенче прививка алган.
Следите за самым важным и интересным в Telegram-каналеТатмедиа
Нет комментариев