Татарстанда 14 градуска кадәр салкын һәм йомшак кар көтелә

Урыны белән аз гына кар ява, көндез аерым районнарда буран булуы ихтимал.

Җил уртача көньяк-көнчыгыштан. Кайбер урыннарда, шул исәптән Казанда, бозлавык хасил була, дип билгели синоптиклар.

Төбәк буенча тәүлекнең караңгы вакытында һава температурасы - 6-11 градус, аязганда -14 градус тәшкил итәчәк. Татарстанның көньяк-көнчыгышында суык булачак, Казанда -7-9 градус көтелә. Көндез республика буенча һава -1, -6 градуска кадәр җылыначак (Казанда - 2, -4 градуска кадәр).

Метеорологларның беренчел мәгълүматларына караганда, ял көннәрендә һава шартларының начарлануы белән бергә температура фоны күтәрелү ихтималы да бар. Шимбә көндез, 19 ноябрьдә, 1 градуска кадәр җылынырга мөмкин.