Татарстан талпан энцефалиты буенча эпидемик төбәкләр исемлегенә керде
Роспотребнадзор искә төшергәнчә, Татарстан РФ субъектлары арасында талпан энцефалиты белән зарарлану куркынычы булган төбәкләр исемлегенә керә.
Аның белән бергә исемлеккә Киров, Түбән Новгород, Оренбург, Самара, Ульяновск өлкәләре, Пермь крае, шулай ук Башкортстан, Марий Эл һәм Удмуртия кергән.
Моннан тыш, республикада Лайм авыруы (талпан боррелиозы) белән чирләү очраклары теркәлә — бу буыннарны, йөрәкне һәм нерв системасын зарарлаучы авыр инфекция. Аны йөртүчене тышкы кыяфәтеннән аерып булмый, шуңа күрә белгечләр урманда яки паркта йөргәннән соң үзегезне һәм балаларны карап чыгарга, ә талпан табылган очракта табибка мөрәҗәгать итәргә киңәш итә.
Талпаннарның активлык сезоны Татарстанда 25 мартта башланды. Бүгенге көндә талпан тешләүнең 750 очрагы теркәлгән. Быел алар гадәттәгегә караганда күбрәк.
Казанские ведомости
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев