Татарстан Республикасы Авыл хуҗалыгы һәм азык-төлек министрлыгы комиссиясе Яшел Үзән һәм Татарстан районнарында техниканың урып-җыюга әзерлеген тикшерә

Чараның максаты - ашлык җыю машиналары паркын, башка авыл хуҗалыгы техникасын һәм ашлык җиһазларын урып-җыю кампаниясенә, шулай ук җәйге һәм көзге кыр эшләрен уздыруга агрегатларны вакытында һәм сыйфатлы әзерләүне тәэмин итү.

Урып-җыю кампаниясе башлануга бер адым кала Бөгелмә, Буа, Алексеевск, Актаныш, Саба, Әлки районнарында комбайннар кабул ителде. АПК оешмаларының урып-җыюга әзерлеген һәм туңга сөрүне республиканың барлык 43 муниципаль районында да бәяләргә кирәк булачак.

Комбайннар парадын ачуга Бөгелмә районына Татарстан Республикасы авыл хуҗалыгы һәм азык-төлек министры урынбасары Тәлгать Таһирҗанов, шулай ук урып-җыюда катнашучылар белгечләре килде. Тикшерү барышында ашлык җыю комбайннарының, авыл хуҗалыгы техникасының, транспорт чараларының әзерлек дәрәҗәсе билгеләнде, алар кырлардан, ашлык складларыннан, киптерү җайланмаларыннан, ашлык чистарту машиналарыннан ашлык чыгарачаклар. Ашлык җыю комбайннары сезонлы техник хезмәт күрсәтү һәм дәүләт техник тикшерүе уза, шул ук вакытта алар барысы да комбайннар парадында күрсәтелергә тиеш.

Комиссия әгъзаларының аерым игътибары хезмәткәрләрнең хезмәтен мотивацияләүгә һәм аны саклау таләпләренең үтәлешенә юнәлдерелде. Татарстан Республикасы Авыл хуҗалыгы һәм азык-төлек министрлыгы белешмәләренә караганда, 2020 елгы урып-җыю кампаниясендә Бөгелмә районы кырларында 95 ашлык җыю комбайны эшләячәк. Игенчеләргә 37 мең гектардан артык мәйданда бөртекле культуралар җыярга кирәк булачак. Аграрийлар яхшы нәтиҗәгә өметләнә.

Яшел Үзән районында да кичә, 16 июльдә, ТР Авыл хуҗалыгы һәм азык-төлек министрлыгы комиссиясе булып китте. Алар “Авангард”, Тау Иле”, “Күгәй” һәм “Красный Восток” хуҗалыкларында техниканың урып-җыю кампаниясенә әзерелеген тикшерде. Районның авыл хуҗалыгы һәм азык-төлек идарәсе җитәкчесе Таһир Җиһаншин сүзләренә караганда, комиссия техниканың торышына, төзеклегенә югары бәя биргән. Аллаһ кушып, дүшәмбедән район аграрийлары урып-җыюга керешәчәк. Хәерле сәгатьтә.