Татарстан районнары башлыклары Мәскәүгә «Кече Ватан - Россиянең көче» форумына барды

Форумда катнашучылар арасында Буа районы башлыгы Ранис Камартдинов, Балык Бистәсе районы башлыгы Радик Исламов, Апас районы башлыгы Айрат Җиһаншин, Чистай районы башлыгы Дмитрий Иванов, Мамадыш районы башлыгы Анатолий Иванов, Менделеевск районы башлыгы Радмир Беляев һәм башкалар бар.

«Кече ватан - Россиянең көче» Бөтенроссия форумының оештыру комитеты әгъзасы итеп билгеләнгән Яр Чаллы мэры Наил Мәһдиев узган атнадан бирле Мәскәүдә.

Яшел Үзән районы башлыгы Михаил Афанасьев ВДНХда регионнар күргәзмәсендә булды.

"Күргәзмә бик кызыклы. Чыннан да, Россия төбәкләренең казанышлары яхшы сайлап тәкъдим ителгән. Күргәзмәдә Татарстан Республикасын күрү аеруча күңелле булды - бу горурлык һәм соклану, бик уңай эмоцияләр», - дип уртаклашты Михаил Афанасьев.