Татарча диктантны Майамида да яздылар

Бу вакыйгадан ерак илләрдә яшәүче милләттәшләребез дә читтә калмады. Безнең белән Яшел Үзән кызы, бүгенге көндә Флорида штатының Майами шәһәрендә яшәүче Мәдинә Гыйльфанова элемтәгә чыкты.

-Читтә яшәсәк тә, туган телебезне, гореф-гадәтләребезне, милли традицияләребезне саклап яшибез. Елдагыча, “Татарча диктант” акциясенә без дә кушылдык, белемебезне сынадык. Милләттәшләребез белән мондый очрашулар үзе бер бәйрәмгә тиң. Мирный бистәсендә татар китапханәсендә эшләгән Раушания Мелединова да туган ягына кайнар сәламнәрен юллый, - ди Мәдинә Гыйльфанова.

Салкын, карлы туган җирегездән кышкы сәламнәребезне юллап калабыз. Шулай ерак араларны якын итеп, аралашып, бердәм булып яшик.