Тарихи квартал яңара

Очрашуда ТР Рәисе ярдәмчесе Олеся Балтусова, Яшел Үзән мэры Михаил Афанасьев, КДАТУ Архитектура мирасын һәм архитектура нигезләрен реконструкцияләү, рес­таврацияләү кафедрасы доценты Светлана Персова, инвесторлар кат­нашты.

Бүгенге көндә «Полукамушки» кварталының 6 йорты сатуга әзер, 3есе муниципаль ихтыяҗлар өчен резервланган, сатуда 9 объект кала. Объектның уртача бәясе 1 млн.сум тәшкил итә.

«Полукамушки» –шәһәребезнең йөрәге. Тарихи квартал яшел үзәнлеләр һәм шәһәр кунаклары өчен җәлеп итү ноктасы булырга тиеш. Безнең бурыч – ял итү өчен төрле мәйданчык булдыру. Монда инде каһвәханә бар, кварталга яңа тормыш өрәчәк объектлар төзелә. Бүген безгә коммуникацияләр үткәрү һәм территорияне төзекләндерү буенча тулы проект кирәк, – диде Михаил Афа­насьев.

Кунаклар эш барышы белән танышты. Йортларны торгызуда төп шарт – баштагы архитектура кыяфәтен саклау. Тарихи кварталда җәяүлеләр юллары, фонтан, гаилә рес­тораны барлыкка килергә тиеш. Ике йортта Серго һәм Горький исемендәге завод музейлары, өч йортта сәнгать галереясе, китапханә һәм мәдәният идарәсе булдырылачак.