Талаучы 40 минут эчендә тотылган

Төнге берләр тирәсендә 66 яшьлек хатын иптәш хатыны яныннан Гоголь урамына өенә кайтырга чыга. Артыннан кемнеңдер иярүен сизми дә кала. Теге кеше аның артыннан подъездга кереп, хатынның ашамлыклар салынган сумкасын талап ала. Зыян күрүче шунда ук полициягә шалтырата һәм талаучының билгеләрен дә атый. 40 минуттан соң ППС хезмәткәрләре шәһәр базары яныннан бу ирне тоткарлый. Ачыкланганча, бу кеше бер атна элек кенә ирегеннән мәхрүм ителгән урыннан кайткан булган. Тоткарланучыга карата җинаять эше кузгатылган.