Сулы автомобиль покрышкасына егылып, бер яшьлек бала һәлак булган

Татарстанның Нурлат районы Зирекле авылында бер яшьлек малай су тутырылган автомобиль покрышкасына егылып төшеп һәлак булган. Баланы бу вакытта караучы булмаган. Бу хакта «Татар-информ» хәбәр итә.

Россия Гадәттән тыш хәлләр министрлыгының ТР буенча Баш идарәсендә хәбәр итүләренчә, бала судан чыга алмыйча, һәлак булган.

Хәзерге вакытта фаҗига сәбәпләре тикшерелә.

Фото: Россия Гадәттән тыш хәлләр министрлыгының ТР буенча Баш идарәсе матбугат хезмәте