Синоптиклар һава торышының бозылу ихтималы турында кисәтә

Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, 30 мартта көндез республикада төньяк-көнбатыштан искән җилнең көчәюе көтелә. Көчәйгән вакытта аның тизлеге урыны белән секундына 16 метрга кадәр җитәчәк.

Бүген Татарстанда аязучан болытлы һава. Бераз кар ява. Урыны белән көчле булмаган буран. Җил көнбатыштан, төньяк-көнбатыштан исә. Татарстан буенча уртача көндезге һава температурасы - 0...-5 градус булачак.

Юлларда бозлавык саклана.

Татар-информ