Шәймиевның оныгы өйләнгән

Үзенә кәләш итеп ул Түбән Камадан Регина исемле кызны сайлаган. Тимур Шәймиевның туе Боровое Матюшино бистәсендә урнашкан бай балалары яратып күңел ача торган "Вода" ресторанында узган.

Кунакларның күңелен Михаил Галустян һәм Екатерина Скулкина ачкан. Яшьләрне котларга Минтимер Шәймиев үзе дә килгән. Туй азагында күкне искиткеч салют бизәгән.

27 яшен тутырган Тимур - Айрат Шәймиевның улы. Ул хәзерге вакытта Сарман районында нефть чыгару белән шөгыльләнүче «Дружбанефть» җәмгыятен җитәкли.