Сезон башыннан Татарстан хастаханәләренә талпан тешләү сәбәпле ике мең кеше мөрәҗәгать иткән

Фото: Чулпан Гыйсмәтуллина, «ЯҮ»

Шуларның 457се – балалар. Бу хакта Татарстан буенча Роспотребнадзор идарәсенең матбугат хезмәте хәбәр итә.

Иң күп тешләүләр Казан халкы арасында теркәлгән – 502 очрак. Аннан соң Әлмәт районы – 218 очрак һәм Яр Чаллы – 214 мөрәҗәгать.

Талпан инфекцияләре белән зарарлану очраклары теркәлмәгән. Талпан энцефалитына каршы иммунизацияне 9950 кеше узган, бу планның 72%ын тәшкил итә, дип билгеләп үттеләр Роспотребнадзорда.

Татар-информ