Шәһәрдә, авылларда узачак «Сабантуй», «Авыл көннәре», «Чишмә бәйрәм»нәре графигы билгеле булды

8-9 июньдә районыбыз авылларында һәм Яшел Үзәндә милли бәйрәмебез – Сабантуй уза.

Кай арада бер ел узып китте икән?! Туган ягыбызда кабат милли бәйрәмебез Сабан туе чоры җитте. Быел ул 8 июньдә –
авылларда, ә 9 июньдә Мирный бистәсендәге «Каенлык» паркында оештырылачак. Шулай ук, Авыл, Чишмә бәйрәмнәре уздыру да күздә тотыла. Кайда, кайчан, ничек? Тулырак мәгълүмат белән түбәндә таныша аласыз.

Сабантуй:

• 8 июнь, 10.00 сәгатьтә, Васильево бистәсе;
• 8 июнь, 11.00 сәгатьтә, Карамалы Тау бистәсе;
• 8 июнь, 11.00 сәгатьтә, ­Олы Ачасыр;
• 8 июнь, 10.00 сәгатьтә, Бишнә;
• 8 июнь, 10.00 сәгатьтә, Зур Ключи;
• 8 июнь, 10.00 сәгатьтә, Карагуҗа;
• 8 июнь, 12.00 сәгатьтә, Олы Шырдан;
• 8 июнь, 13.00 сәгатьтә, Күгәй;
• 8 июнь, 13.00 сәгатьтә, Күгеш;
• 8 июнь, 10.00 сәгатьтә, Мулла Иле;
• 8 июнь, 11.00 сәгатьтә, Түбән Урысбага;
• 8 июнь, 13.00 сәгатьтә, Норлат;
• 8 июнь, 11.00 сәгатьтә, Осиново;
• 8 июнь, 11.00 сәгатьтә, Бело-Безводный;
• 8 июнь, 11.00 сәгатьтә, Карашәм.
• Авыл көннәре, балалар өчен бәйрәм:
• 8 июнь, 11.00 сәгатьтә, Әйшә (балалар Сабан туе);
• 8 июнь, 11.00 сәгатьтә, Новопольский (балалар Сабан туе);
• 15 июнь, 13.00 сәгатьтә, Кече Шырдан (Чишмә бәйрәме);
• 29 июнь, 10.00 сәгатьтә, Татар Танае (Авыл көне);
• 29 июнь, 13.00 сәгатьтә, Тау Иле (Авыл көне);
• 29 июнь, 11.00 сәгатьтә, Олы Яке (Авыл көне);
• 6 июль, 11.00 сәгатьтә, Акъегет (Авыл көне).

Яшел Үзән Сабан туенда батырларга ике автомобиль һәм трактор тапшырачаклар. Бу хакта Яшел Үзән мэры Михаил Афанасьев белдерде.

9 июньдә «Каенлык» паркында һәм янәшәдәге үзәк мәйданда кунакларны төрле халыкларның хуҗалык утарлары, традицион уеннар, конкурслар һәм мастер-класслар, бензопилалар белән кисүчеләр шоу-тамашасы көтә. Яңалыклардан Татарстанның иң яхшы аш-су осталары әзерли торган «Тәмле урам» булачак. Балаларга – бушлай туңдырма.

Көрәш һәм чәчү батырына без автомобиль һәм бәрән бүләк итәчәкбез. Иң яхшы авыл хуҗалыгы хезмәткәренә махсус бүләк – трактор, – диде Михаил ­Афанасьев.
Спорт ярышларында җиңүчеләр өчен кыйммәтле бүләкләр әзерләнгән.

Яшел Үзән Сабан туеның кунак йолдызы – Татарстанның атказанган җырчысы Ришат Төхвәтуллин булачак.

Бәйрәм 9:00 сәгатьтә башлана. Рәхим итегез, дуслар, бергәләп күңел ачыйк!