Рөстәм Миңнеханов Россия Президенты Юлламасында катнашачак

Татарстан Президенты Рөстәм Миңнеханов бүген Россия Президенты Владимир Путинның Россия Федерациясе Федераль Собраниесенә еллык юлламасын игълан итүдә катнашачак. Бу хакта ТР Президенты матбугат хезмәте яза. 

Бүген, 15 гыйнварда, “Манеж” үзәк күргәзмә залында РФ Президенты Владимир Путинның Юлламасы игълан ителәчәк. Башлана көндезге 12 сәгатьтә. Турыдан-туры трансляцияне "Россия 1", "Россия 24" һәм "Беренче канал" телеканаллары күрсәтәчәк. 

Аннары Рөстәм Миңнеханов Татарстанның Россиядәге Тулы вәкаләтле вәкиллегендә булачак, анда ул «КАМАЗ» йөк автомобильләре җитештерү заводының беренче директоры Лев Васильев белән очрашачак.