Рөстәм Миңнеханов ТР Хөкүмәтенә Газа секторында зыян күрүчеләр өчен гуманитар ярдәм җыю эшен оештырырга кушты

"Татарстанлыларның зыян күрүчеләр арасында балаларның күп булуы өчен борчылуы сәбәпле, Республика Рәисе предприятиеләрне, шулай ук Татарстан халкын гуманитар ярдәм җыюда актив катнашырга чакыра», - дип аңлатты Татарстан Рәисе матбугат хезмәте җитәкчесе Лилия Галимова.

Җаваплы зат итеп вице-премьер Ләйлә Фазлыева билгеләнде. Республика хөкүмәте хәзер җыю урыны һәм кирәкле товарлар һәм азык-төлек исемлеге буенча мәсьәләләрне тикшерә.