Роспотребнадзор Татарстанда тагын алты пляжны хуплады – Казан янә исемлектә юк

Фото: Чулпан Гыйсмәтуллина, "ЯҮ"

Татарстан буенча Роспотребнадзор мәгълүматларына караганда, санитар-эпидемиологик бәяләмә Яр Чаллы, Түбән Кама, Зәй, Әлмәт, Яшел Үзән, Нурлат, Чистай, Алабуга, Мамадыш, Кама Тамагы, Карабаш шәһәрләрендәге, шулай ук Буа һәм Әлки районнарындагы ял урыннарына бирелгән.

Исемлеккә Нурлаттагы «Кондурча», Мамадыштагы шәһәр пляжы һәм Нократ елгасы буендагы ял комплексы, Әлки районындагы «Сувар», Яшел Үзәндәге «Комсомолец», Карамалыдагы «Лето», шулай ук Әлмәт шәһәр күлендәге пляж өстәлгән. Су сыйфатына мониторинг һәр ун көн саен үткәрелә.

Шул ук вакытта Казанда коену өчен яраклы дип танылган бер генә пляж да юк. «Зур Лебяжье», «Локомотив», «Түбән Заречье» пляжларында һәм Глубокое күлендәге су санитар нормаларга туры килми. Роспотребнадзор рөхсәт документлары булмаган яки суы тиешле сыйфатка туры килмәгән урыннарда ял итмәскә ныклап киңәш итә.

«Казанские ведомости»