Республика бәйгесенә йомгак ясалды - Яшел Үзән эшмәкәрләре җиңүче
«Татар-информ» сайтында «Татарстан Республикасы муниципаль берәмлекләрендә иң яхшы иҗтимагый (координацион) эшмәкәрләр советы» VI Республика конкурсы кысаларында тавыш бирү тәмамланды. Ул 19 майдан онлайн-форматта узды. Анда барлыгы 50 меңгә якын кеше катнашты.
«Халык сайлавы» номинациясендә 19,5 меңгә якын тавыш җыйган Яшел Үзән районы җиңүче булды, бу катнашучыларның гомуми саныннан 39% тәшкил итә.
Конкурсның максаты – эшкуарлар советларының активлыгын арттыру һәм халыкны урыннарда бизнес-мохитне үстерүгә җәлеп итү. Оештыручылар – ТР Иҗтимагый палатасы һәм ТР кече һәм урта бизнес предприятиеләре ассоциациясе.
Бүләкләү тантанасы Яшел Үзән мәдәни үсеш үзәгендә узды һәм Россия эшмәкәрлеге көненә багышланды. Мәртәбәле кунаклар арасында Татарстан Иҗтимагый палатасы рәисе Зилә Вәлиева, җитәкченең икътисадый үсеш буенча урынбасары Морат Булгаков һәм башкалар бар иде.
Конкурста Татарстанның 40 муниципалитетыннан эшкуарлык берләшмәләре вәкилләре катнашты. Безнең район 13 номинациянең өчесендә җиңү яулады:
- «Махсус хәрби операциядә катнашучыларга ярдәм итүгә керткән өлеше өчен»
- «Импортны алмаштыра торган продукция эшләүгә һәм җитештерүгә керткән өлеше өчен»
- «Халык сайлавы» – тавыш бирү Татар-информ сайтында онлайн-форматта узды.
Бүген Зеленодольск районы территориясендә 5,8 мең кече һәм урта эшмәкәрлек субъекты, 13 меңгә якын үзмәшгуль хезмәт куя. Кече предприятиеләрдә 7,8 мең кеше эшли.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев