Район җәмәгатьчеләре шәһәрлеләрне борчыган мәсьәләләр буенча фикер алышты

Иҗтимагый совет әгъзалары утырышка шәһәрдә һәм районда төзекләндерү белән бәйле өч мөһим мәсьәләне күтәрде. Беренче сорау Мирный микрорайоныннан Яшел Үзән микрорайонына парапетлы төшү юлын ремонтлауга кагылды, икенчесе коммуналь хезмәтләрнең ремонт эшләреннән соң юл өслеген һәм яшел зоналарны торгызу проблемасына багышланды, ә өченче мәсьәлә Васильево бистәсендә чүп-чарны чыгару проблемасына кагылды.


Төзелеш һәм инфраструктура үсеше департаменты җитәкчесе урынбасары Радик Шаһидуллин аңлатканча, парапетлы төшү буенча якын арада әлеге объектны төзекләндерүдә комплекслы карар тәкъдим итәргә тиешле комиссиянең урынга баруы булачак. Ул үз эченә тау битләрен, су отводларын ныгытуны һәм, турыдан-туры, җәяүлеләр сукмагы өслеген ремонтлауны ала, комплекслы башкарылмаган эш кыска вакытлы нәтиҗә бирәчәк. Дөрес, җәмәгать эшлеклеләренең дәлилләрен тыңлаганнан соң, парапетта өлешчә ремонтны яңгырлар башланганчы үткәрергә, әлеге проблеманы җентекләп өйрәнгәннән соң, инде киләсе, 2022 елда капиталь төзекләндерергә вәгъдә иттеләр.


Икенче мәсьәлә буенча, җир ордерларына бирелгән ремонт эшләреннән соң, юл өслеген һәм яшел зоналарны торгызу сроклары турында ТКХ департаменты вәкиле Алексей Ячанов чыгыш ясады.

Ул, закон буенча, коммуналь челтәрләрне ремонтлау максатыннан, җир эшләре җитештерү өчен ордер 2 айга кадәр ачыла һәм 1 айга кадәр бер тапкыр озайтылырга мөмкин, дип аңлатты. Шулай итеп, коммуналь хуҗалык предприятиеләрендә проблеманы бетерү һәм территорияне башлангыч халәткә китерү өчен өч айга кадәр вакыт бар. Сроклар бозылган очракта, җәмәгатьчелек контрольдә тотучы органнарга мөрәҗәгать итә ала: ТКХ департаменты, Администив-техник инспекция, шулай ук Яшел Үзән муниципаль районы башкарма комитеты каршындагы махсус комиссия.


Өченче мәсьәлә - җәмәгать эшлеклеләре Васильево шәһәр тибындагы бистә халкының каты көнкүреш калдыкларын утильләштерү белән бәйле проблемасы турында фикер алышты.

Иҗтимагый совет әгъзасы һәм бистә ветераннары Советы рәисе Татьяна Матеркова сөйләгәнчә, анда яшәүче кайбер кешеләр өчен контейнерлар йортлардан шактый ераклыкта урнашкан һәм чүп-чарны ташлау өчен кимендә километр барырга туры килә.

Үз чиратында, каты көнкүреш калдыкларын чыгару буенча төбәк операторы вәкиле Антон Грузков, шәхси секторда контейнер мәйданчыкларын урнаштыру шактый проблемалы, дип белдерде. Кешеләр үз тораклары янында аларның урнаштырылуын теләмиләр, шул ук вакытта контейнерларның кадым ераклыгында гына булган зонада булуын таләп итә. Мәсьәләнең чишелешен Васильево халкы чүп-чар җыюда график буенча башкарылуында күрә, ә моның өчен бистә Башкарма комитетының боерыгы кирәк. Районның Иҗтимагый советы Васильево башлыгы Эльдар Хәлиуллин исеменә үтенеч җибәрергә карар кылды, аерым урамнар өчен каты көнкүреш калдыкларын «капчыклы» җыю соралды.


Төп фикер алышу тәмамлангач, Департаментның төзелеш һәм инфраструктура үсеше буенча вәкиле якын киләчәктә "Пищекомбинат" һәм "Заправка" тукталышларында тукталыш павильоннары урнаштырылачагы турында хәбәр итте.