Район җитәкчесе Михаил Афанасьев авыл җирлекләрендә

Район җитәкчесе билгеләгәнчә, Каюм Насыйри - мөһим шәхес, ул үзеннән соң күп хезмәтләр калдырган, аның иҗаты татар әдәбияты классикасы булып тора. Быел без аның тууына 195 ел тулуны билгеләп үтәбез.

«Каюм Насыйри мирасын сакларга кирәк, без республика җитәкчелегенә мөрәҗәгать итәчәкбез, комплексны үстерәчәкбез», - диде Михаил Афанасьев. ⠀

Аннары ул Олы Ачасыр мәдәният йортында булды, анда капиталь ремонт үткәрү планлаштырыла. Хәзерге вакытта программага кертүгә гариза 2021 елга рәсмиләштерелгән. Район җитәкчесенә тамаша залы һәм клуб бүлмәләрен күрсәттеләр. "Исәп-хисап үткәрегез һәм миңа күрсәтегез, без бу сорауны җиңәргә тиеш", - дип йомгаклады Михаил Афанасьев.
Җитәкче шулай ук «Красный Восток» терлекчелек комплексында, авыл мәктәбендә һәм ял паркында да булды. Соңгысын төзекләндерү грант акчасына башкарылган. Олы Ачасыр авылында шулай ук Михаил Афанасьев Гайшә апа Ганиева белән очрашты, аңа инде тиздән 100 яшь тула. Ул аңа чәчәкләр һәм бүләкләр тапшырды, шуннан соң авыл кешесе белән аралашты.

Олы Ачасыр белән танышканнан соң, район җитәкчесе Татар Танаена юл тотты. Биредә авылында клубка капиталь ремонт ясала. Район җитәкчесе объектта төзелеш эшләренең барышы белән танышты. Ул подрядчы оешма вәкилләре белән киңәшмә үткәрде, анда агымдагы мәсьәләләр буенча фикер алыштылар. Төзүчеләр Михаил Афанасьевны капремонт график буенча бара һәм эшләр вакытында тәмамланачак, дип ышандырды.

«Фасад һәм эчке эшләр белән беррәттән, мәдәният йортын җиһазландыруга игътибар итегез. Биредә түгәрәкләр булырга тиеш, балаларны укыту өчен инструментлар кирәк. Барысын да исәпкә алырга кирәк. Клуб кешеләрне җәлеп итү үзәге булырга тиеш», - диде район җитәкчесе.

Район Советы матбугат хезмәте.