«ПОЗиС»та эш визиты белән КАМАЗ башлыгы булды

Очрашу барышында машина төзелеше тармагын үстерү һәм импортны алмаштыру мәсьәләләре буенча фикер алыштылар.

«ПОЗиС» генераль директоры Радик Хәсәнов КАМАЗ башлыгына компаниянең сәнәгать һәм инновацион үсешенең төп юнәлешләре турында сөйләде.

Визит барышында Сергей Когогин суыткыч продукциясенең югары технологияле производствосы, көнкүреш, махсус суыткыч һәм медицина техникасының перспективалы үрнәкләре белән танышты. Аңа махсус машина төзелеше һәм 15 мең кв. метрдан артык мәйданда заманча логистика үзәген күрсәттеләр, ул бер үк вакытта 40 меңгә якын эре көнкүреш техникасы саклауга сыйдыра ала.

КАМАЗ генераль директоры Сергей Когогин «ПОЗиС» АҖнең җитештерү куәтенә югары бәя бирде, предприятие җитәкчелегенең һәм коллективының компания үсешенә зур өлеш кертүен билгеләп үтте.