«ПОЗиС» (POZIS) АҖнең меңләгән коллективы исеменнән Халыкара хатын-кызлар көне белән иң җылы һәм эчкерсез котлауларны кабул итеп алыгыз

8 Март – искиткеч язгы көн, ул күңел җылысы, матурлык атмосферасы һәм кешелекнең гүзәл затларына карата иң изге хисләр белән тулы.

Табигать безнең сөйкемле ханымнарга тиңдәшсез матурлык һәм иҗади энергия, эчкерсез наз һәм тугрылык, тормыш зирәклеге һәм искиткеч сабырлык бүләк иткән. Талантлары һәм максатчанлыклары аркасында алар гаилә турында кайгыртуны һәм үзләрен теләсә кайсы һөнәрдә тормышка ашыру сәләтен оста берләштерә.

Гүзәл затларыбызның күңелендә зур көч яшеренгән. Шуңа күрә безнең янда әниләр, хатыннар, әбиләр, кызлар, апалар – искиткеч хатын-кызлар булганда, теләсә нинди авырлыкларны да җиңел генә җиңеп була!

Бу матур язгы көнне Зеленодольск муниципалитетында яшәүче күп кенә хатын-кызларның Бөек Ватан сугышы елларындагы хезмәт батырлыкларын искә төшерү аеруча мөһим. Нәкъ менә алар безнең Серго исемендәге заводның станоклары һәм җыю участокларында фронтны боеприпаслар белән тәэмин итү өчен көн-төн хезмәттә булды. Сугыштан соңгы еллар да җиңел булмаган: шатлыклы, шул ук вакытта авырлык, ачлык хатын-кызлар җилкәсенә төшкән. Күп кенә Серго кызларының исемнәре Татарстанның беренче суыткычы тарихына алтын хәрефләр белән язылган.

Без махсус хәрби операция кысаларында туган илебезнең иминлеген тәэмин итүче уллары һәм ирләре булган әниләр һәм хатыннар алдында баш иябез.

Рәхмәт һәм соклану сүзләрен барлык замандаш-серго кызларына да әйтергә телибез. Алар безнең заводта илле проценттан артык һәм үзләренең камил игелекле хезмәтләре белән югары сыйфатлы POZIS продукциясен җитештерә, бу предприятиегә үз уңышлары һәм казанышлары белән горурланырга хокук бирә.

Кадерле, нәфис хатын-кызларыбыз! Без сезне профессиональ һәм тырыш булуыгыз өчен кадерлибез, игелек, ярдәмчеллек һәм хатын-кыз зирәклеге өчен яратабыз һәм хөрмәт итәбез! Сез һәрвакыт җылылыгыгызны юмарт бүләк итәсез, гаиләләребезнең иминлеге һәм туган дәүләтебезнең чәчәк атуы хакына безне хезмәткә һәм яңа казанышларга рухландырасыз.
Сезгә һәм якыннарыгызга чын күңелдән нык сәламәтлек, мәхәббәт, иминлек, күңел гармониясе һәм язгы кәеф телибез. Һәрвакыт сөеп, сөелеп яшәгез һәм бәхетле булыгыз!

Радик Хәсәнов,
«ПОЗиС» (POZIS ) АҖ генераль директоры
Константин Антипов,
профком рәисе