Полиция хезмәткәре погонын йолкып алган ир-ат хөкем ителгән

Полиция хезмәткәрләре, вазыйфаи бурычларын үтәгәндә, базарда хатын-кызны битлек кимәгәне өчен тоткарлый. Бу гамәл аның тормыш иптәшенә ошамый. Полицейскийның эшеннән канәгать булмау сәбәпле, ул аның киеменнән йолкып, идәнгә егарга тырыша. Нәтиҗәдә погонын чак кына өзеп төшерми…

Нәтиҗәдә, хакимият вәкиленә карата көч кулланганы өчен җинаять эше кузгатыла. Шушы көннәрдә суд ирнең беренче тапкыр җинаять кылуын һәм гаепне өлешчә тануын исәпкә алган. Суд матбугат хезмәте хәбәр иткәнчә, җәза 10 000 сум штраф рәвешендә билгеләнгән. Хөкем карары әле законлы көченә кермәгән.