Парклар яңартыла, шәһәребез үзгәрәПарклар яңартыла, шәһәребез үзгәрә

Комаров урамын комплекслы төзекләндерү кысаларында Яшел Үзән паркы Бөтенроссия кече шәһәрләр һәм тарихи җирлекләр конкурсында җиңүче булды. Грант суммасы 95 миллион сум тәшкил итә. Яңа иҗтимагый киңлекнең үсеш перспективалары турында Яшел Үзән мэры Михаил Афанасьев Татарстан Министрлар Кабинетында узган брифинг барышында сөйләде.
– Алтынов паркы шәһәрнең ике өлешен тоташтыра һәм мөһим транзит функциясен башкара. Яшел Үзән тимер юлы ике өлешкә бүленгән һәм нәкъ менә Алтынов паркы «яңа» һәм «иске» шәһәрне берләштерә. Бүгенге көндә биредә ял итү һәм спорт белән шөгыльләнү өчен инфраструктура юк, урман паркы аша автотранспорт уза, тимер юл аша куркынычсыз юл аркылы чыгу тәэмин ителмәгән, – диде Михаил Афанасьев.
Мэр сүзләренә караганда, проектны тормышка ашырганчы ук коттеджлар паркын төзүне булдырмау өчен кадастр чикләре куелган, 2023 елга тимер юл аша җәяүлеләр юлы урнаш тыру планлаштырылган. Моннан тыш, шәхси йортларга машиналар йөрү өлешен парк чикләреннән күчерү турында карар кабул ителгән.
Керә торган өлеше дә үзгәрәчәк: танк урынына биредә яңа патриотик зона барлыкка киләчәк. Сәхнә һәм чәчәк зонасында амфитеатр һәм төрле яшь төркемнәре, шулай ук аз хәрәкәтләнүче гражданнар өчен балалар мәйданчыгы булдыру планлаштырыла. Киләчәктә памп-трек һәм велотриал барлыкка киләчәк спорт территориясен дә төзекләндерәчәкләр.
– Алтынов паркы уникаль яшел ландшафтны мөмкин кадәр саклап калачак, урман тирәнлегендә сирень аллеясе һәм алма бакчасы калачак, биредә эскәмияләр һәм беседкалар өстәләчәк. Тулаем алганда, Алтынов паркын төзекләндерү иҗтимагый киңлекләр чылбырын формалаштыруга нигез булачак, киләчәктә бу тәҗрибә безгә яңа проектларны гамәлгә ашырырга мөмкинлек бирәчәк, – дип нәтиҗә ясады район башлыгы.