Осиновода яңа мәчет ачылды (фоторепортаж)

Бүген Яшел Үзән районы Осиново бистәсендә М-7 трассасы буенча "Сәфәр" мәчете ачылды. Ачылыш тантанасында район башлыгы урынбасары Фоат Шәмсиев, районның имам-мөхтәсибе Габделхәмит Зиннәтуллин, Казан кунагы Камил Исхаков, якын-тирә авыллардан бик күп мөселманнар катнашып, иң изге теләкләрен җиткерде. Мәчетне мөселман эшмәкәре Илшат Бикмуллин төзетте һәм ул тирә-юньгә нур чәчеп балкып тора. Ерак юлга сәфәр чыгучы мосафирлар, сәяхәтчеләр, "Сәфәр"гә кереп, иманын ныгытып, Аллаһның ризалыгын сорап чыга ала.

Мәчетнең архитекторы Вероника Кудрявцева, эчке бизәлеш авторы - Татьяна Володина. Мәчетнең имамы - Фоат Гарипов.

Ильяс Салихҗан фотолары.