Осиновалының 1 миллионнан артык акчасын урлаганнар

Шуларның 28е – шәһәрдә, 11е районда булган. 20 җинаять ачылган. Шуның кадәресе – «кайнар эздән». 1 тапкыр кеше сәламәтлегенә авыр зыян салу, 1 талау, 22 урлау, 8 мошенниклык һәм наркотикларның законсыз әйләнеше буенча 2 очрак теркәлгән.

Яшел Үзәндә элек хөкемдә булган ике ир арасында ызгыш чыккан. Нәтиҗәдә, 44 яшьтәгесе 48 яшьлек ирнең баш миен җәрәхәтләгән. Зыян күрүчене кома хәлендә дәваханәгә алып киткәннәр.

Комаров урамындагы кибеттән 22880 сумлык товар урлану буенча элек хөкемдә булган 34 яшьлек яшел үзәнле тотылган.

Билгесез зат 39 яшьлек осиноволыны алдаган. Ул аның акчасын саклап калу һәм кредитка заявканы юкка чыгару тәкъдиме белән 1715000 акчасын урлаган.

Наркоконтроль хезмәткәрләре Рогачев урамында беркайда да эшләмәүче элек хөкемдә булган 40 яшьлек ирне наркотик матдә белән тоткарлаган.