Олы Яке авыл җирлеге – яңа бинада

Ниһаять, капиталь ремонттан соң, бина куллануга тапшырылды. Заманча җиһазландырылган, якты, матур, ә иң мөһиме барлык уңайлыклары тудырылган авыл җирлеге бинасы халыкны кабул итәргә әзер.

Ачылу тантанасында район башлыгы Александр Тыгин да катнашты. Ул коллективны бәйрәм белән котлап, суыткыч бүләк итте. "Мондый мөмкинлекләр булганда, мин өйгә кайтмыйча да эшли алам хәзер,"- дип шаяртты авыл җирлеге башлыгы Фирая Фәйзуллина.