«Олы яшьтәге апаларның токмач кисүләрен күрдем дә, күзләремә яшьләр килде»

Махсус хәрби операциягә ярдәм җыюның туктаганы да юк. Райондашларыбызның активлыгына исең китәрлек. Социаль челтәрләрдә олы яшьтәге апаларның токмач кисүләрен күрдем дә, күзләремә яшьләр килде. Авыл халкы бигрәк тырыш инде ул, тик утыра белми. Нинди кирәкле эшкә алынганнар. Аларга башкалар да кушылса, ничек әйбәт булыр иде. Авылда яшәсәм, ике дә уйламас, ярдәмгә килер идем. Кыскасы, рәхмәт сезгә, апалар. Аяк-кулларыгыз сызлаусыз булсын. Ир-егетләребез тизрәк гаиләләре янына исән-имин әйләнеп кайтсын иде.

«Әйтәм әле» рубрикасына килеп ирешкән хәбәр.

Кадерле укучыларыбыз! Сез дә, борчыган проблемаларыгыз турында 5-68-03 телефонына шалтыратып, редакциябез хезмәткәрләре белән бүлешә аласыз.