Олы Ачасырда һәр чишмә каралган, төзек

Олы Ачасырда кайсы гына чишмәгә барма, һәрберсе каралган, чистартылган, шөкер. Безгә «Ат улагы» дигәне аеруча ошый, суы бигрәк тәмле, юшкыны да юк. Ураза гаете көнне бирегә су алырга килгән идек, Әхмәтовлар бар гаиләсе белән чишмә буйларын чистартып, бурасын юып, буяп куйганнар. Нинди саваплы, игелекле эш бит, ә! Оныкларына да матур үрнәк күрсәтәләр. Шушындый авылдашларым булганга, горурланып куйдым әле, афәрин!