Олы Ачасыр кызлары табигать кочагында ял итә

 Авылыбызның уңганнары җир җимертеп эшлиләр дә, рәхәтләнеп ял да итә беләләр!  Җәй рәхәте дәвам итә: күктә кояш елмая, болыннар төрле чәчәккә күмелә, ә тау битләрендә кып-кызыл булып җиләк өлгерде. 

- Шушы гүзәл матурлыклар белән хозурланып, авылыбызның апа-кызлары белән бергәләп табигать кочагына чыктык. Рәхәтләнеп җиләк ашадык, шифалы дару үләннәре җыйдык һәм чын күңелдән ял иттек. Табигатьтә генә түгел, күңелләрдә дә бәйрәм иде — җырладык та, биедек тә, хәтта ярышып та алдык, - дип яза мәдәният йорты сәнгать җитәкчесе Гөлнур Абзалина.

Бердәм булып, шулай бергә-бергә ял итүгә ни җитә! Сез дә җәйге көннәрне файдалы һәм күңелле үткәрегез!