«Өф-өф итеп» үстерәбез, гаеп үзебездә

Шәһәр балаларының мәктәп тирәсен себереп йөргәннәрен күрдем бер көнне. Җәйге практика узулары. Ииии, мин әйтәм, эшлиселәре килми инде, тамчы да. Телефон тотып, диванда яту түгел бит ул. Гомумән, хәзерге буын ялкау. Әти-әниләр шулай «өф-өф итеп» үстерәбез, гаеп үзебездә. 

Шунда безнең авылда суган, чөгендер, бәрәңге кырында эшләгән чаклар искә төшә. Очы-кырые күренмәгән буразна... Чүбен утау, алу, сентябрь, октябрь айлары басуда үтте, уку кайгысы юк иде. Колхозның бер генә эше дә мәктәп укучыларыннан башка узмады. Хәзергеләрне эшләтергә кот очып тора. Яңгырлы, салкын көндә бәрәңге җыярга чыгарып җибәрсәң, «әни» дип елап кайтачаклар, билләһи.

Фото: ясалма интеллект программасыннан алынды