Оборона министрлыгы мобилизация кысаларында гражданнарга чакыру турында СМС аша хәбәр итәргә тәкъдим итә ⠀

Карар проекты норматив хокукый актлар проектларының федераль порталында басылып чыкты.
⠀

Документ нигезендә, 8нче пунктны яңартылган редакциядә язарга тәкъдим ителә. Проектка ярашлы, хәрби комиссариатның повестка җибәрү турында белдерүе дәүләт хезмәтләре порталындагы россиялеләрнең шәхси кабинетында, салым түләүченең шәхси кабинетында урнаштырыла. "Шулай ук дәүләт һәм муниципаль хезмәтләр порталында күрсәтелгән күчмә радиотелефон элемтәсенең абонент номерына смс-хәбәр белән җибәрелә», — дип күрсәтелгән документта.