Нормадан югарырак температуралы җылы һава 20 октябрьгә кадәр сакланачак

Нормадан югарырак температуралы җылы һава киләсе атна ахырына кадәр сакланачак. Бу хакта КФУ эксперты, Экология һәм табигатьтән файдалану институты атмосфера метеорологиясе, климатологиясе һәм экологиясе кафедрасы профессоры Юрий Переведенцев хәбәр итте.

Профессор билгеләп үткәнчә, һава торышы кояшлы булачак, ә уртача тәүлеклек күрсәткечләр нормадан 4 градуска югары, чөнки республика территориясе блоклаучы антициклон йогынтысында калган.

"Көндезге температуралар бик югары (октябрь өчен - прим. Ред.) - +13-+14 градус, төнлә - +6-+8 градус. Хәзер һаваның уртача тәүлеклек температурасы +6 градус чамасы булырга тиеш. Чынлыкта бу күрсәткеч +9,5-+10 градус тәшкил итә», - дип хәбәр итте Переведенцев.

Шулай ук синоптик антициклонның Татарстанга һаваның көньяк агымнарын җибәрүен, шуңа күрә явым-төшемсез тотрыклы аяз һава саклануын, әмма атмосфера басымы югары булачагын билгеләп үтте.

"Явым-төшем җомга көнне генә мөмкин", - дип билгеләп үтте Переведенцев. Шимбәдән якшәмбегә каршы төндә генә яшел үзәнлеләрне бераз яңгыр көтә. Комфортлы температура 21 октябрьгә кадәр сакланачак.