Нинди позаларда йоклау кулай һәм көндез черем итсәң, ни була?

Кырым Республикасы Сәламәтлек саклау министрлыгының баш штаттан тыш кардиологы Валерий Садова РИА "Новости Крым"га биргән әңгәмәсендә көндезге йоклауның файдасы турында белдерде. Мондый ял йөрәк өчен генә түгел, бөтен организм өчен дә файдалы, үз-үзеңне дәртлерәк һәм куәтлерәк итеп хис итәргә мөмкинлек бирә.
Әмма, табиб билгеләп үткәнчә, көндезге йокының файдасын бәяләп бетереп булмый. Сәламәтлек өчен тәүлекнең билгеле бер вакытында түгел, ә йокы сигез сәгатьтән дә ким булмаска, көндез яки төнлә ял итәргә кирәк.
Шулай ук, Валерий Садовой йоклау өчен файдалы һәм зарарлы позаларны атады. Табиб фикеренчә, аркада йоклау иң кулае, шул килеш йоклаган вакытта кеше тулысынча ял итә, киләсе көнгә көч туплый.
Ян һәм корсакта йоклау начар йогынты ясый: беренче ысул умыртка баганасы өчен зарарлы, икенчесе-эчке кан басымын арттыра. Утырып йоклау тагын да куркынычрак — бу тромбозлар һәм шешенүгә китерә.