Мошенниклар «Татэнерго» хезмәткәрләре исеменнән халыкны алдый
Казанның Киров районы халкы «Татэнерго» АҖ хезмәткәре булып таныштыручы мошенниклар турында хәбәр итә.
Фото: Рәзилә Хәйретдинова, «ЯҮ»
Алар фатирларга кереп, электр җиһазлары белән манипуляцияләр ясый һәм соңыннан 5 мең сумнан артык суммага счет тәкъдим итә.
«Татэнерго» ширкәте кисәтә: чын хезмәткәрләр беркайчан да физик һәм юридик шәхесләрнең фатирларына йөрми. Электр челтәрләре ширкәт балансында түгел, ә теләсә нинди эшләр бары тик идарәче компанияләр аша алдан килешү буенча гына башкарыла.
Халыкны чит кешеләрне кертмәскә һәм шикле визитлар булганда шунда ук полициягә мөрәҗәгать итәргә чакыралар. Рәсми гаризалар һәм консультацияләр өчен компаниянең сайтыннан, (843) 291-81-09 белешмә телефоныннан һәм 8-800-234-8-243 бердәм номерыннан файдаланырга киңәш ителә.
КП Казань
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев