Мондый яңгыр күргән юк иде

Аеруча Норлат һәм Татар Исламы халкын борчуга салды ул. Карлы, бозлы яңгыр коя башлагач ук, күпләр машиналарын сакларга ашыкты. Татар Исламында агачларны сындырды, мәчетнең калайлары каерылып, төрле якка очты, яңа салынып килүче юлдагы ком хуҗалыкларның ишегалларына акты. Бакчадагы матур гына үсеп килүче яшелчәләргә зур зыян килде. Шифалы яңгырлар гына ява күрсен иде берүк!