Михаил Афанасьев районыбыз буенча эш сәфәре кылды

Норлат авылында Яшел Үзән районы җитәкчесе Михаил Афанасьев яшүсмерләр клубындагы капиталь ремонт барышы белән танышты.

- Без балаларыбыз һәм яшьләребез өчен барлык шартларны тудырырга тырышабыз - инфраструктура үсә, матди-техник база ныгый. Норлат - Идел буе зонасында иң зур җирлекләрнең берсе. Биредә яшь гаиләләр, яшьләр һәм балалар күп. Минем балаларга карата аерым дулкынландыргыч мөнәсәбәт, бәлки, үзем өч бала атасы булгангадыр, - дип шәрехләде Михаил Павлович.

Район башлыгы шулай ук полиция бүлегендә булды һәм Норлат мәктәбенең азык-төлек саклагычы ремонт барышы белән танышты. Моннан тыш, башлык Ленин урамындагы күп фатирлы йортка капиталь ремонт ясау эшләренең сыйфатын тикшерде.