Milliard.tatar рейтингы лидеры: сайт дөнья татарларына якынаерга ярдәм итә

Milliard.tatar сайты бөтен дөнья татарларына бер мәйданчыкта берләшергә ярдәм итә. “КВ” хәбәрчесе белән әлеге фикерен сайтның татарлар рейтингы лидеры Эльвира Садриева да уртаклашты.

«Мин көн саен milliard.tatar сайтына керәм. Миңа проект бик ошый, анда татарлар күбрәк булсын иде. Мин шулай ук Америка татарларын да чакырдым. Дөнья татарларын күбрәк бу мәйданда берләштерәсе килә. Минем максатым мөмкин кадәр күбрәк татарларны җәлеп итү», — диде ул.

Кыз сүзләренә караганда, кызыклы материалларны платформада гына түгел, ә проектның социаль челтәрләрендә дә куялар. Соңгы мәкаләләрдән Эльвираны барыннан да бигрәк Земфира турындагы текст җәлеп иткән.

Шулай ук ул аның кланында катнашучылар күп булуын билгеләде, шуңа күрә бу аны рейтингта беренче урынга чыгарды. Хәзер сайтта башка кулланучылар белән аралашу мөмкинлеге юк, әмма ул якын арада бу функция барлыкка килер дип өметләнә.

Эльвира Садриева битендә күрсәткәнчә, ул 100% татар кызы, шулай ук сайтта катнашучылар өчен ясарга мөмкин булган яхшы эшләр исемлеге дә чыгарылган.

Элегрәк «Казанские ведомости» miliard.tatar сайты «Дөньядагы төп татар кем?» конкурсын озайткан, дип хәбәр иткән иде. Җиңүче биш тарихи шәһәр буенча сәфәр ота алачак. Ә төгәлрәк: Истанбул, Алма-Ата, Уфа, Казан һәм Төмәнгә.