Ландыш Нигъмәтҗанова беркая да бармаска булган

"Рамазан ае булганга күрә, әлегә бөтен эшләр торып тора. Июльдә берничә җирдә эшләп алырмын дип уйлыйм. Быел без беркая да бармаска булдык. Ялларыбызны исә авылда үткәрәбез. Туганнарга кайтабыз, һәр ял саен диярлек әнинең (Татарстанның халык артисты Римма Ибрагимова - Авт.) туган якларында Балтач районында кунак булабыз. Олы улыбыз Әнвәргә - 6 яшь, кызыбыз Ләйләгә - 2 яшь тә 4 ай, Гомәргә 1 яшь тә 3 ай. Әнвәр быел мәктәпкә әзерлек курсларына йөри башлаячак. Әлегә җитди рәвештә бер нәрсә белән дә шөгыльләнгәне булмады. Әмма ул безнең бик шук, тиктормас малай, киләсе елда нинди дә булса спорт төренә йөри башлар дип уйлыйбыз", - диде җырчы.

Чыганак - Шәһри Казан.