«Күрше» фестивале җиңүчеләре арасында Яшел Үзән дә бар

«Күрше»нең кышкы сезоны күршеләрне берләштерү һәм актив бергәлекләргә ярдәм итү төп идеясен саклады, әмма ул яңа сезонда ишегаллары кысаларыннан чыкты. Хәзер аны иҗтимагый киңлекләрдә — паркларда, скверларда, яр буйларында һәм бульварларда, мәйданнарда, променадларда һ. б. үткәрергә мөмкин булды. Чаралар 20 декабрьдән үк кешеләргә шатлык бүләк итә башланды.

Безнең районнан, авторлары педагог, креатив продюсер Гөлнара Әхмәтҗанова һәм «Зеленодольск. Театр. Драма» театры режессеры Игорь Игнатьев булган «Яшел Үзән: тарих, кешеләр, архитектура» спектакль-променад проекты белән җиңү яулады. Аларны ихлас күңелдән котлыйбыз! Февраль ахырына кадәр яшел үзәнлеләр һәм шәһәребез кунаклары спектакльдә катнаша һәм сихри атмосфераны тоя алачак.

Кабул ителгән 1448 гаризадан республиканың 30 районыннан 49 финалист ярдәмгә лаек булды.  

 «Күрше» фестивале – шәһәрләрне үстерү институты инициативасы, ул Татарстан Республикасы Рәисе ярдәме белән гамәлгә ашырыла.  «Курше» фестивале вакыйгалары «Татарстанда Кыш» проекты кысаларында уза.

#ЗИМАВТАТАРСТАНЕ #АЙДАГУЛЯТЬ #КЫШТАТАРСТАНДА

Фотолар: Михаил Афанасьевның ТГ сәхифәсеннән алынды