Күгеш мәдәният йорты территориясендә «Без — хыялыйлар» дип аталган асфальтта рәсем ясау конкурсы узды

1 июль көнне Күгеш мәдәният йорты территориясендә «Без — хыялыйлар» дип аталган асфальтта рәсем ясау конкурсы узды. Һава торышы да сынатмады — якты кояш безне сөендереп торды.

Рәсемнәрнең темасы ирекле иде, шуңа күрә һәр эш үзенчәлекле һәм кабатланмас булып чыкты. Балалар төсле акбурлар белән үз хыялларын асфальтка күчерделәр:

• Кемдер чиксез космосны сурәтләде,
• Кемдер яраткан йорт хайванын ясады,
• Кайберәүләр үз патриотик хисләрен белдереп, Россия флагын сурәтләде,
• Кемдер якты йорт, ә кемдер челтерәп аккан елга ясарга булды.

Балалар үзләренең иҗади сәләтләрен һәм бай фантазияләрен тулысынча күрсәтә алдылар. Нәниләребезнең шатлыгының чиге юк иде!

#КүгешМәдәниятЙорты