Кубок – Олы Ачасырда

Бу көнне Норлат зонасы мәдәният йортлары икенче ел бию бәйрәме буларак билгеләп уза.

Узган ел ул Мулла Иле мәдәният йортында узса, иң зур бүләк күчмә кубок та биредә калган иде, быел биергә яратучылар Олы Ачасырга җыелды. Һәр авыл берсеннән-берсе матур биюләр күрсәтте. Бигрәк тә кечкенә балаларның күп булуы, күңелгә хуш килде. Бу өлкәдә профессионал булган жюри әгъзалары җиңүче итеп Олы Ачасыр бию коллективын (җитәкчеләре Зөлфирә Бикмуллина) билгеләде һәм күчмә кубок та хуҗаларда калды. Афәрин, котлыйбыз!