Коронавирус аркасында юлламадан баш тартып буламы?

Коронавирус аркасында юлламадан баш тартып буламы?
– Коронавирус янау сәбәпле, мин чит илгә сәфәрдән баш тарттым. Туристик компания юллама өчен акчаны кире кайтарырга теләми. Алар (турагент, туроператор) коронавирус аркасында чит илгә турпутевка буенча барудан баш тарткан очракта акчаны кире кайтармаска хокуклымы?
Илгизә Исмәгыйлова, Яшел Үзән.

– Коронавирус пандемиясе чорында, турны гамәлдән чыгару һәм туристик компаниядән юллама (туристик продукт) өчен акча кайтаруны таләп итү аеруча актуаль.
Туристның чит илдә (урынында) тормышына һәм сәламәтлегенә куркыныч янау турында, аның сәяхәте башланганчы бастырылган Ростуризм хәбәре, туристлык продуктын сату-килешүне өзү һәм туристка килешү буенча түләнгән сумманы кире кайтару өчен нигез булып тора.
Турга барасы илдә коронавирус таралуы хакында Ростуризмнан хәбәр булганда, сез тур башланганчы сәяхәттән баш тартырга һәм бу компаниядән бөтен сумманы кире кайтаруны таләп итә аласыз.