Киптерелгән җимешләр белән “Мазурка” кексы

Кирәк була:

• 300-433 гр киптерелгән җимешләр катнашмасы (күрәгә, йөзем, кара җимеш, инжир, мүк җиләге һәм әстерхан чикләвеге)
• 2 данә күкәй
• 6 аш кашыгы шикәр комы
• 6 аш кашыгы он
• ½ чәй кашыгы камыр йомшарткыч (разрыхлитель)

Әзерләү:

1. Күрәгә, чикләвек, инжир һәм кара җимешне кисәкләргә турыйбыз һәм калган җимешләр белән кушабыз.
2. Күкәйне шикәр комы белән бергә болгатып күпертәбез, он белән камыр йомшарткычны да шунда салып бутыйбыз һәм җимешләр катнашмасын да шунда кушабыз.
3. Барлыкка килгән массаны майланган формага бушатып, 180 градуска кадәр кыздырылган мичкә куеп 45-50 минут пешерәбез.
4. Әзер кексны бераз суытып кисәбез һәм тәмле итеп чәй эчәбез!