Кибеттә, хуҗасы ризалыгыннан башка, чит банк картасы белән түләү: урлашумы әллә мошенниклыкмы?

РФ Җинаятьләр Кодексының 159.3нче маддәсенең 1нче өлешендә билгеләнгәнчә, электрон түләү чараларын кулланып урлаган өчен җинаять җаваплылыгы каралган. Максималь җәза – 3 ел, шуңа бәйле рәвештә андыйларны зур булмаган авырлыктагы җинаятьләр категориясенә кертәләр. Җаваплылык милекчегә 2500 сумнан артык зыян китерелгәндә башлана.

Россия Федерациясе Җи­наятьләр Кодексының 158нче маддәсенең 3нче өлешендәге «г» пунктында, банк счетыннан мөлкәт урлаган өчен (РФ Җи­наятьләр Кодексының 159.3нче маддәсендә каралган җинаять билгеләре булмаганда), җава­п­лылык каралган. Аның өчен максималь җәза 6 елга кадәр ирегеннән мәхрүм итү булырга мөмкин һәм ул авыр җинаятьләр категориясенә кертелә. Җаваплылык ките­релгән зыянның суммасына бәйсез рәвештә башлана һәм туктатылырга тиеш түгел.

Гамәлдәге законнар ни­гезендә, сәүдә оешмалары хезмәткәрләренә, банк карта­лары белән исәп-хисап ясау­чыларның шәхесен анык­лаучы документлар буенча идентификацияләү бурычы йөкләнмәгән.